Gregory Fung-A-Fat di United Farmers Aruba:
ORANJESTAD (AAN): Gregory Fung-A-Fat di United Farmers Aruba a duna di conoce den entrevista cu DIARIO cu mas cu claro, e agricultornan ta wak un efecto negativo cu e binimento di fruta y berdura for di Venezuela.
"Nos sa cu nos producto ta miho calidad sigur, pero nos prijs pa haci business na Aruba ta caro. Dus nos no por bay ofrece prijsnan barata cu nan ta ofrece. Pero si nos ta consistent", a expresa.
Awe por ta nan tey, y por ta mañan nan no tey, pero loke ta pasa ta cu tur hende lo bay bek cerca e agricultor local. Pesey mester bin cu un plan riba kico e efecto ta pa Venezuela, kico e efecto ta pa Aruba y con conhuntamente ta bay traha pa bin cu algo structural, a bisa.
Si Venezuela cera atrobe, por ehempel pa via di un guera, kico ta pasa e ora? E ora akinan na Aruba ta bay bek na unda a cuminsa, Fung-A-Fat a expresa.
E ta kere cu ta bon pa bin cu un grupo cu ta analisa y tambe te hasta si kier hinke den e canasta basico y ta 'fix prijs', esaki p'e no ta problema. Pero e mester ta algo cu e calidad ta wordo analisa di tur dos banda, a enfatisa.
