SANTO DOMINGO: E yamada pa mucha muhernan di entre 10 y 15 aña bay registra nan mes,
pa check si nan lo por forma parti di e Seleccion Nacional di Volleyball Femenino... a trece un reaccion cu a kibra tur record.
Un total di riba 1.300 mucha muher a asisti pa registra nan mes, pa asina demostra nan talento cu e chens di bay forma parti di e seleccion di Volleyball di e pais. Esaki a tuma lugar na e lugar conoci como ‘Pabellón de Voleibol’.
E funcionarionan hunto cu team di tecnico di e equiponan nacional, a dura un total di 6 ora pa a registra y evalua e muchanan cu a presenta.
Nan ta contento cu e respaldo cu e mayornan a duna e muchanan aki. Loke nan ta haya mas importante ta cu awor autoridadnan di Volleyball tin un database di nomber di tur atleta interesa den Volleyball, incluyendo telefon, adres, email, y provincia. E ta valioso pa tur equipo di Volleyball tambe.
E hecho cu a haya riba di 1.300 mucha a laga nan keda satisfecho, cu keto bay Volleyball ta rek asina hopi interes. Tambe cu algun mucha a bin for di provincianan hopi leu manera Dajabón, Montecristi, Santiago Rodriguez, Jimaní, Santiago, San Cristobal, Azua, Bani, San Juan de la Maguana, Higuey, Duvergé, y mas.
Trainernan a anota size di uniform di tur mucha muher, prome cu a hiba nan riba cancha pa check nan cualidad tecnico.
