Marllory Medina Presidente di Venezolanos Unidos en Aruba a haya reconocimento pa su labor

ORANJESTAD (AAN)—Señora Marllory Medina, Presidente di e Fundacion Venezolanos Unidos en Aruba, hunto cu algun persona mas a haya reconocimento di parti di e Presidente di Palm Beach Plaza Mall.

E personanan aki ta Teresa, Administrador, señor Flander, Security Guard, Carla cu ta yuda cu decoracion di e shopping mall, y ponemento di mata, etc. Tambe e personal di apoyo di e Fundacion a haya reconocimento. 

Señora Medina a expresa palabranan di gratitud den nomber di e Fundacion pa e honor aki. Riba combinacion di potret por aprecia momento cu e acto aki a tuma lugar.