ORANJESTAD (AAN): Un di e weganan popular di Lotto keto bay ta Zodiac.
Aki bo ta escoge un number di cuatro cifra, y agrega un signo zodiacal y ya bo ta den wega.
Esey ta exactamente loke Maria a haci, y el a bira feliz mirando cu el a gana. Pesey riba Diabierna el a acudi na oficina di Lotto na Playa pa reclama su premio. E trahadornan di Lotto a revisa su ticket y a scan e barcode. Computer mesora a confirma cu Maria a gana 50.000 Florin cu wega di Zodiac.
Mesora a pasa pa transferi e premio electronicamente pa su cuenta di banco. Maria a splica cu e ticket ganador mes el a cumpra na Super Lottery.
