ORANJESTAD (AAN): Diasabra anochi tabatin un solo ticket ganador pa e sorteo di Lotto 5.
Pues un solo ticket a bay cu e premio di 260.000 Florin. E numbernan ganador tabata: 02, 14, 16, 19, y 24.
E persona cu tabatin e unico ticket ganador ta Marelyn. Dialuna mainta mes el a presenta na oficina di Lotto na Playa pa reclama su premio. Aki mesora e funcionarionan a revisa si el a pone su firma na e parti patras di e ticket, y su number di cuenta di banco.
Ora di scan e barcode di e ticket, esaki a confirma cu Marelyn a gana e premio di 260.000 Florin cu Lotto 5.
Mesora a cuminza cu e proceso pa transferi e premio electronicamente pa su cuenta di banco. Marelyn a indica cu e ticket ganador el a cumpra na Flor di Shoshoro na Playa.
