Mapa di vegetacion ecologico y paisahe di Aruba a keda presenta

ORANJESTAD (AAN): E mapa nobo di vegetacion ecologico y paisahe di Aruba ta revela e urgencia di conservacion necesario pa Aruba.

            Recientemente, ACF a organisa un anochi informativo pa comunidad di Aruba unda cu expertonan a presenta e mapa, Landscape Ecological Vegetation for Aruba. Esaki ta un trabou di Carmabi Foundation  den colaboracion cu Wageningen University & Research unda cu por mira di cerca con Aruba su paisahe natural a cambia den e ultimo 50 añanan y kico ta e stapnan necesario cu mester tuma pa preserva su biodiversidad.

            Atendi pa mas di 70 diferente miembro di nos comunidad, e mapa e keda presenta pa biologonan John de Freitas y Erik Houtepen hunto cu e team di conservacion di ACF. Un danki na Dutch Caribbean Nature Alliance, kende a haci e anochi informativo aki posibel. 

            ACF lo sigui riba su plan di reforestacion cu su banco di simia cu ya caba a bin ta traha riba dje e ultimo añanan pa asina planta matanan nativo den e area di e Centro di Bishitante di Parke Nacional Arikok.

            Adicionalmente lo sigui cu e coleccion di data y continua nos colaboracion cu instancianan na beneficio di restauracion y conservacion di naturalesa di Aruba.

Fuente: Facebook Page Aruba Conservation Foundation