Luna Foundation a sigui ricibi yudansa di boluntarionan

ORANJESTAD (AAN): Ta bunita pa mira con e organisacion Luna Foundation ta sigui ricibi sosten di boluntarionan,

cu ta keda duna un man pa asina e organizacion por sigui funciona como debe ser.

   Recientemente un grupo di boluntario di La Cabana Beach Resort a bay sostene Luna Foundation den trabao boluntario.  E Resort a combina su celebracion di e prome kwartaal hunto cu algun accion hopi valioso directamente na beneficio di comunidad. E iniciativa no solamente ta refleha e balornan principal di e resort pero tambe enfatisando su compromiso den stimula un sentido di responsabilidad social na su empleadonan.

   Nan ta kere firmemente den crea un cultura di caridad dentro di e miembronan di e team. Ta pa e motibo aki e resort ta haciendo un esfuerso colectivo den extende un man na organizacionnan manera Luna Foundation, sigurando bon colaboracion cu ta crea impacto.

   Pa medio di cana cu e principio di ‘Ta bon haciendo bon’ e resort su meta ta pa celebra logronan mientras ta haci impactonan positivo y tangibel dentro di nos comunidad. Cu e iniciativa di trabao boluntario na Luna Foundation, e Resort ta spera di por bira un ehempel y curasha otro companianan y individuonan den sigui sostene organizacionnan similar y otro bon causa.