ORANJESTAD(AAN): Informacionnan cu DIARIO a ricibi for di Sint Maarten, ta mustra cu Louis Wever a keda instala como District Governor nobo di Rotary District 7020.
Señor Louis Wever ta un ciudadano hopi conoci na Sint Maarten y un miembro distingui y sumamente activo di Rotary riba tereno local y internacional.
E trabounan cu el a desplega pa e organisacion internacional a culmina na e momento cu el a wordo instala como District 7020 Manager pa e periodo 2021-2022.
Prome Ministro di Sint Maarten tabata entre e cantidad di persona cu a felicita Louis Wever, kende manera el a trece dilanti semper a sirbi e causa di Rotary.
Na e acto tambe tabata presenta Señora Amanda Wever-Storm, kende tambe ta duna su apoyo grandi na e organisacion di gran prestigio y servicio internacional.
DIARIO ta felicita Louis Wever y Rotary St. Maarten cu e logro grandi.
