Misha Raymond, Fraccion di RAIZ
ORANJESTAD (AAN) – Den conferencia di prensa di fraccion di RAIZ, parlamentario Misha Raymond a menciona un ley hopi importante cu ta canando su c caminda y cu sigur e lo yuda hopi mayor cu no por paga un Logopedista, wak nan yiu cu tin problema di habla, wordo yuda pa bay dilanti.
“Un bon noticia ta cu e ley pa cuminza cubri logopedie sea parcialmente, mi ta kere ta 90%, a cuminza cana su caminda y e ta algo cu mi a habri mi aña parlamentario cune, cu un mocion pa haya sosten pa e wordo cubri door di AZV, pasobra e famianan, vooral e mamanan soltero cu tin muchanan cu tin desafionan, cu tin retonan den e desaroyo di nan yiunan, Logopedie, e terapia di lenguahe, ta siña e muchanan papia, y esaki ta un di e prome pasonan cu mester tuma pa yuda nos muchanan ancra miho social y didacticamente, ora nan ta siña y desaroya na scol”, e parlamentario a indica y a expresa: “Ami ta contento di anuncia esaki tambe”!
El a conclui bisando cu nos ta uza lenguahe pa comunica pero nos ta pensa den lenguahe, y e ta algo social cu por uza; y e muchanan cu no ta goza di e parti aki di nan desaroyo, semper lo keda un tiki mas atras cu otro muchanan den nos sociedad.
