Leerorkest Aruba a haya bunita donacion pa sigui brinda les di musica na mucha

ORANJESTAD (AAN): Na October di e aña aki Leerorkest Aruba a cuminsa atrobe cu su lesnan online di AMV (Algemene Muzikale Vorming) na e scolnan di SKOA, DPS, SPCOA, SOAZA, Nos Fortalesa Montessori y Traimerdia Sonrisa.

            Tambe e lesnan riba instrumentonan manera fio, cello, dwarsfluit, trumpet, trombone y clarinet a cuminsa na Colegio Laura Wernet Paskel y Prinses Amalia Basisschool. Otro aña na Januari, St. Paulus School, SOAZA y Graf von Zinzendorf School tambe lo cuminsa cu lesnan ariba instrumento. 

            Leerorkest Aruba kier a gradici WEB Aruba pa e donacion generoso aki cu sigur lo yuda cu e obhetivo pa tur mucha eventualmente lo sigui haya les di musica na un manera structura. Ta comproba cu musica ta haci nos muchanan contento y si nos tin muchanan contento, nos lo tin un Aruba contento.

Pasobra Musica ta pa Tur Mucha!