ORANJESTAD (AAN); E siman aki, LandsRecherche Aruba ta recorda su 29 aña di existencia.
Ademas e momento aki, LandsRecherche a lanza pa prome biaha, su mesun website: www.dlraruba.com.
Riba e website aki ta poni e tareanan y trabaonan di LandsRecherche. LandsRecherche tin e tarea importante di haci investigacionnan penal contra funcionarionan publico y semi-publico. E investigacionnan aki ta worde hiba den opdracht di Procurador-General di Aruba.
LandsRecherche ta gradici comunidad di Aruba y tur su socio di e cadena pa e bon cooperación durante e ultimo 29 añanan y ta spera di por continua esaki den futuro.
