ORANJESTAD (AAN): Laboratorio di Servicio (LdS), un laboratorio medico ISO 15189 acredita y un di e provedornan mas grandi na Aruba,
a habri su portanan back pa e aseguradonan di AZV riba 4 di januari 2022.
AZV ta aplica un presupuesto anual maximo pa cada laboratorio priva, mirando cu 2021 tabata un aña hopi exitoso, LdS a alcanza y sobrepasa esaki, pa es motibo gastonan pa pashentnan di AZV no por a worde cubri mas.
Claramente LdS ta lamenta esaki y alavez no ta di acuerdo cu e maneho di AZV encuanto e presupuesto anual maximo pa cu cada laboratorio priva. Sinembargo, habriendo un aña nobo 2022 ta nifica cu LdS por bolbe atende cu tur pashentnan di AZV desde di 4 januari 2022.
LdS a completa su renovacion na final di 2021, den e forma aki LdS ta sigui enfoca su mes riba un mihor calidad y servicio den 2022. LdS ta continua eleva su nivel cu e servicionan di calidad halto na Aruba. Na su turno henter staf y personal di LdS ta haci nan maximo esfuerso pa por duna tur su pashentnan un excelente servicio pa asina yuda diagnostica, evalua, screen y controla varios malesanan of condicionnan, den un manera confiabel y sigur.
Por ultimo, LdS ta ser re-acredita segun normanan internacional, esaki ta significa cu tur pashent por pone nan confianza den LdS encuanto e calidad y credibilidad di nos servicio y resultadonan.
Pa preguntanan por tuma contacto cu Laboratorio di Servicio na: عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.
