KPA a introduci website nobo

ORANJESTAD (AAN): Cuerpo Policial Aruba ta haci un otro etapa pa sigui innova y cana hunto cu tecnologia moderno.

Tabata pa hopi tempo KPA no tabata tin un website.

            Despues di a sinta hunto y trece algun concepto nobo conhuntamente cu altocomisario Sr. Ramon Arnhem a yega e momento pa lansa e website nobo di KPA.

            Moviendo den e era digital Sr. Arnhem a haci e lansamento visualmente haciendo esaki via un 'touch screen' y den un frega di wowo e website a bay online.

            Comunidad di Aruba por subi ariba nan pagina nobo di www.kpa.aw.

            Por haya diferente contenido nobo tambe yena cu informacion. Esaki ta e base pa asina dentro di poco sigui agrega mas contenido y informacion riba nan website.

            Por haya noticia actual, servicionan, informacion, historia, tips, prevencion y contacto. Un website moderno y facil pa grandi y chikito.

            Ta yama comunidad bon bini y subi mesora ariba nan website. Na cualkier momento via computer, tablet of cellular laga nos conecta hunto cu bo!