Juan Enrique Kock ta nace dia 10 di mei 1926. Cu 14 aña Juancho a cuminsa toca instrumento manera clavio y maraca.
Tambe Juancho ta siña toca guitara.
Cu 17 aña Juancho ta cuminsa toca cu e banda RCA maneha pa Jan Vlijt.
Durante e periodo aki Juancho ta siña cata y por a toca mas instrumento.
Juancho ta integra den Caribbean Boys hunto cu Edwin Zichem, Horacio Franken, Frans van Cleef, Oscar y Tirso Steba.
Cu e banda aki Juancho a haci un gira exitoso na Suriname.
Caribbean Boys ta cambia di nomber y ta bira Estrellas Lucky Strike despues Estrellas Rey de Copas. Finalmente e banda a bira Sensacion Musical cu tabata tin hopi fanatico den su temporada. Na momento cu Sensacion Musical a kibra Juancho a bay canta cu Ecos del Caribe maneha pa Sonny Hoo.
Na 1974 Juancho a bira cantante principal di Vibracion 74.
Na 1972 Juancho a competi di festival di tumba.
Na 1973 Juancho a gana su prome festival di tumba cu e cancion” Muchanan” componi pa Hector Hasham.
Na 1974 “Zorg pa bo hacie” componi pa Casin Giel
1979 “Duro Duro” componi pa Casin Giel
Na 1980 “ He Ban Haci un cos” componi pa Casin Giel
1981 “ Pronkele” componi Casin Giel
1984 “ Ban cu ne” componi Eddie Bennet
1987 “ Mas Aplauso” componi pa Federico Martis
1989 “ Un biaha mas” Federico Martis
Juancho tambe tabata cantante di Sonora Mayancera di Eduardo Maya y tambe Swinging Boys maneha pa Cai Luidens.
The Grasshoppers
Juancho a graba e cantica “Pan Cayente y Wega di bala” composicion di Rufo Wever.
Tambe Juancho a graba cu e orquesta famoso di Republica Dominicana Flor de Oro.
Na 1987 Juan hunto cu Claudius Phillips a haci presentacion na Calle 8 na Miami.
Juancho Kock icono di tumba, bistir cu su pechi cora y su lenso den man ta zwaai semper a conquista atencion di su publico.
Juancho cu su viz cu bon timbre tabata destaca den impretacion di bolero, son muntuno, guaracha cu a bira salsa, merengue, tumba, danza y calypso
Na 2004 Gobierno di Aruba ta nombra un caya den Dakota na honor di Juancho Kock.
Na 1975 Juancho ta keda nombra como Ridder in de Orde van Oranje Nassau.
Mester bisa cu Juacho a sirbi militar como Arubaanse Schutterij pa 3 aña y a traha 35 aña na Lago y 19 aña na Mc Donald.
Juancho a canta pa 64 aña largo.
Juancho a fayece dia 11 April 2009
Compila pa Roberto Croes
Nos Historia Nos Herencia
