ORANJESTAD (AAN): Diasabra anochi faltando algun minuut prome cu 12’or di mey anochi a bati, Aruba a haya sa resultado di kende a bira ganadora di Eleccion di Reina Infantil y Hubenil di Carnaval 70.
Den Categoria di Reina Hubenil, e di 59 Reina Hubenil a bira Jaylienne Tromp, un dama hoben cu sonrisa constant, hyper, inteligente, y briyante representando Infinity Carnival Group y Distrito di Noord.
El a wordo corona door di Ministro di Cultura Xiomara Maduro den presencia di President Darren van Ommeren di SMAC.
Como prome finalista a finalisa Joleimar Morillo representando Kiwanis Builders Club Mon Plaisir College/Empire Carnival Group. Segundo finalista ta Jaidyleen Tromp representando Champagne Carnival Group/NTG Dancers. Tercer finalista a bira Guizza Maria Steenvoorde representando TOB Carnival Group/Colegio Arubano.
Ademas di e corona, Jaylienne Tromp a logra haya premio di Best Show, y tambe premio di Best Carnival Dress. Guizza Maria Steenvoorde a obtene premio di Best Speech. Tambe Aliyah Ridderstap di Colegio San Antonio/Dushi Carnival Group a obtene premio di Mas Popular.
https://diario.aw/ar/categories/noticia/general/jaylienne-tromp-di-noord-y-infinity-group-a-bira-aruba-su-reina-hubenil-pa-carnaval#sigProId1105818aaa
