Ishmara y Anwizyanne a bira reinanan di Filomena College Mavo

ORANJESTAD (AAN): Un anochi pa eligi Reina y Princesita di Filomena College MAVO, e biaha aki den e area espacioso di Centro di Bario Brazil.

   Cu permiso di SMAC y Cuerpo Policial, esnan di Filomena College MAVO a tene su eleccion di reina di carnaval 2023.

   Den Centro di Bario Brazil, publico a disfruta di un eleccion colorido y bon hinca den otro. E organizador tabata meneer Addonsito Croes y cu bon ayudo di juffrouw Jorainne Oduber.

   E miembronan di Hurado tabata Mieckey Gravenhorst, Milda Tromp, Alysa Simon, Sammy van Eenenaam, Thessaly Zimmerman, Eldrith Henriquez y Kapil Sawilani como presidente di hurado. E musica tabata di DJ G y e MC meneer Addonsito.

   E regla principal tabata cu tur trahe mester tabata di material recicla, y aki DIARIO ta presenta e resultado.

   Den categoria ‘Princesita’, e ganadora a bira Anwizyanne “Zizi” Geerman.  Como First-runnerup tin Maya Gordon.

   Best Speech a bay pa Zizi Geerman.  Best Show a bay pa Zizi Geerman.  Best Costume a bay pa Zizi Geerman.  Candidata mas Popular tabata Zizi Geerman.

   Den categoria ‘Youth Queen’, e ganadora a bira Ishmara Cornelia. Como First-runnerup tabatin Jeanique Flanders.

   Best Speech a bay pa Kayley Ridderstaat.  Best Show a bay pa Ishmara Cornelia.  Best Costume a bay pa Ishmara Cornelia.  Candidata mas Popular tabata Jeanique Flanders.

   Den carnaval ta dificil pa haya colaborador pero Directorado Raquel Lampe y Jorainne Oduber ta manda danki grandi na tur comerciante cu a duna un man, incluyendo cada docente y empleado di di Filomena College MAVO p’e sosten na realisacion di e anochi.