Inscripcion pa grupo 17 di SVT ta habri

Jessy Ras, Coordinador di SVT:

ORANJESTAD (AAN) – Jessy Ras, Coordinador di e Proyecto di Formacion Social a bisa, den entrevista cu DIARIO, cu nan ta cla cu inscripcion di e grupo 17 di SVT, cu grupo di mucha homber.

El a menciona cu nan a haya hopi hoben cu a reacciona caba cu e procedure di seleccion, test medico tambe nan a haci caba, y ainda Jessy tey pa e hobennan cu no a inscribi y cu por tin interes, pa pasa cerca dje n a Mariniers Kazerne, pa e grupo 17 cu ta inicia na Maart proximo.

E interes ta hopi halto cerca e muchanan cu a inscribi caba, a haya 30 inscripcion y pa e intake mes 26 hoben a haci esaki. El a splica cu cupo pa grupo ta 25 hoben, pero si ta haya mas cu esaki, semper tin un lista di spera y si acaso un hoben a cay afo, of n ta presenta por hinca un hoben cu ta riba lista di spera pa bin participa cu e trayecto.

Cualkier mayor cu tin yiu entre 17 cu 24 aña por acerca SVT via su Facebook page, of nan email. Of tambe por yama na Mariniers Kazerne. Si tin interes, comunica mas pronto posible, Jessy Ras a conclui.