ORANJESTAD (AAN)/Willemstad: Wereld Natuur Fonds (WWF-NL) ta duna un impuhe na conservacion di naturalesa internacional dor di pone fondonan disponibel pa proyectonan inovativo paden y pafo di Hulanda.
E INNO-Fonds di WWF-NL tambe ta disponibel pa proyectonan den Caribe Hulandes y Surnam. Ta posibel pa ricibi un subsidio di maximo 10.000 euro pa proyecto.
E INNO-Fonds tin como meta pa duna sosten na organisacionnan chikito cu nan proyectonan pa conservacion di naturalesa. E fondo por sirbi como finansia den comienso pa diferente tipo di proyecto manera pa educacion, investigacion, expansion di trahadonan etc. Por aplica te cu 30 di juni 2023 via e pagina https://www.wwf.nl/wat-we-doen/actueel/inno-fonds/aanvraag.
Un ehempel di un proyecto cu a ricibi subsidio di INNO-Fonds ta RoffaReefs. RoffaReefs a diseña un sistema flotante pa cria (‘kweek’) larva di pisca marino, tanto den acuario como den naturalesa. E proyecto cu ta parti di Diergaarde Blijdorp, ta test su sistema di cria (‘kweek’) pisca den en awanan rond Boneiro.
Ta interesante pa investiga e funcion cu piscanan por tin pa mantene y mehora e ecosistema. Piscanan di rif ta importante pa e salud di rifnan di coral, por ehempel, door di come alganan cu ta crece excesivamente. Si tin mucho alganan, nan ta sofoca e coralnan y nan por muri.
Un di e metanan di RoffaReef ta pa envolvi e comunidad di Boneiro den e proyecto. RoffaReefs ta pone enfasis, entre otro, riba un colaboracion fructifero cu e cooperativa pa piscadonan PISKABON. Door di intercambio di conocemento, por ehempel haciendo tayernan, nan ta dedica pa piscamento sostenibel y un mundo saludabel bou di awa.
Riba potret: Sander van Lopik di RoffaReefs hunto cu miembronan di PISKABON
E fotografo ta Casper Douma.
