Celebrando Dia Internacional di Muhe:
ORANJESTAD (AAN): Dia Maart 8, mundo ta celebra Dia Internacional di Hende Muhe, reconociendo e logronan y contribucionnan di hende muhe den diferente esfera di bida. Na Aruba, e ocasion aki tin un significado particular mientras muhe ta sigui haci avancenan remarcabel den e forsa laboral, duna forma na e paisahe economico y impulsa un cambio positivo.
Caracteristicanan di Hende Muhe den e Fosza Laboral: E edad promedio di hende muhe den e forsa laboral ta 44 aña, mustrando un variedad di experiencia y experticio. Notablemente, e trahador femenino promedio ta orguyoso di por tin mas c’un decada di servicio cu e mesun dunado di trabao, destacando su dedicacion y compromiso.
Hende Muhe tin un parti significativo den loke ta e contrato di trabao permanente, constituyendo 53% di e tipo di acuerdonan aki. Ademas, entre individuonan cu educacion terciario, hende muhe ta representa 58%, subrayando nan lucha pa alcansa un estudio superior y desaroyo profesional.
Diversidad Ocupacional: Hende Muhe na Aruba ta haci un avance notabel den ocupacionnan cu nivel di habilidad halto, dominando rolnan gerencial y profesional cu un representacion di 56%.
E tres ocupacionnan mas prominente ocupa pa hende muhe ta inclui trahado di servicio y benta (24%), ocupacionnan elemental (17%), y trahado di apoyo administrativo (14%), reflehando un espectro diverso di experiencia y contribucion.
Participacion Sectorial: E mercado laboral na Aruba ta testigo di un participacion femenino significativo den diferente sector. E tres sectornan mas prominente ta inclui Actividadnan di Alohamento (accommodations) y Servicio di Cuminda (32%), Comercio Mayorista y Minorista; Reparacion di Vehiculo y Motocicleta (19%), y Actividadnan di Sosten y Apoyo Administrativo (10%), mustrando e papel integral di hende muhe den impulsa e crecemento economico y innovacion.
Indicadornan Laboral: Indicadornan clave di trabao ta demostra e presencia y contribucion significativo di hende muhe den e forza laboral. Cu un tasa di participacion di 57.3% y un tasa di empleo di 54.3%, hende muhe ta envolvi activamente den economia, contribuyendo na su dinamismo y resistencia. Notablemente, e tasa di desempleo ta un 5.3% elogiabel, reflehando un mercado laboral robusto cu ta ofrece oportunidadnan pa hende muhenan prospero y sobresaliente.
Empodera Hende Muhe pa un Futuro Mas Briyante: Mientras ta celebra Dia Internacional di Hende Muhe, ta imperativo pa reconoce e contribucionnan invaluabel di hende muhe den e forsa laboral y mas leu. Empoderamento di hende muhe cu oportunidadnan igual, acceso na educacion, y apertura pa e desaroyo profesional ta crucial pa fomenta crecemento inclusivo y construi un sociedad prospero.
E biahe di Aruba pa alcansa igualdad di genero y empoderamento di hende muhe den e forsa laboral ta sirbi como un testimonio di resiliencia y determinacion.
Na e ocasion aki, laga nos reafirma nos compromiso pa avanza den igualdad di genero, celebra e logronan di hende muhe, y crea un futuro unda cada ser femenino tin oportunidad pa realisa su potencial y contribui significantemente na e sociedad.
Fuente: Labor Force Survey (LFS) 2021,2022 Centraak Bureau voor de Statistiek (CBS), Centrale Bank van Aruba (CBA), Directie Arbeid & Onderzoek (DAO), Sociale Verzekeringsbank (SVb), 2022.
