Director Dr. Joel Rajnherc, director:
*Cu extra budget di AZV ta duplica ekipo pa reduci e lista pa 2024
ORANJESTAD (AAN) – “Mi kier a stipula tambe cu durante hopi aña caba nos tin un lista di spera basta largo di pashent cu mester opera catarata”, docter Joel Rajnherc a subraya den entrevista cu DIARIO.
“Recien, den e curso di e aña cu a pasa, nos a haya un extra budget di AZV, pues un inyeccion grandi di extra placa, pero no ta solamente e lens cu mester wordo cumpra; nos no tabata tin suficiente ekipo ainda, pa opera dos pashent na mesun ora. Anto bo mester tin dos camber special pa opera dos pashent di wowo”, dokter Joel Rajnherc a agrega.
El a duna di conoce cu e ora ey nan a bestel e di dos microscop y e di dos cama pa pashent, pasobra e cama tambe ta algo special.
“Nos a bestel tur cos den duplo. Awo nos ta bezig cu tur cos a yega Aruba. Pasobra mescos cu un auto bo por duna un down payment pero bo no ta hay’e mañan. E bek order di e ekiponan medico tambe ta grandi, y a dura di seis pa siete luna despues di pago, pa el a yega Aruba. Dus, awor cu tur cos tey, nos ta bezig pa un inhale accion pa durante 2024 nos ta spera di reduci e lista di spera tremendamente. Hopi, hopi placa a wordo poni den dje, pa facilita esaki, y henter nos ekipo, no solamente e instrumentnan pero tambe e docternan y enfermeranan”, Dr. Joel Rajnherc a duna di conoce.
{gallery}ImSan pa anjanan ta conoce un lista di spera pa operacion di catarata, sumamente largo{/gallery}
