ORANJESTAD (AAN) – Minister di Enseñanza y Deporte Endy Croes, den conferencia di prensa a update diferente informacion tocante enseñanza, y den esaki el a menciona cu el a reuni na final di siman pasa, cu e director di Departamento di Obranan Publico (DOW),
y cu su team, y den e encuentro aki a analiza e problemanan di infrastructura, cu varios scol tin.
E mandatario a referi na e problemanan di diferente scol, manera Reina Beatrix, Frere Bonifacius, Sint Aloysius na Noord, entre otro. Minister Croes a expresa cu tur e scolnan aki ta den diferente edificio y tin di nan cu ta reparti den mas cu un edificio, cu kizas no tin e miho structura ni atmosfera pa duna y ricibi les.
Tocante e asunto aki e mandatario y e funcionarionan di DOW a bay den un reunion hopi ameno y profundo, y nan ta bay mira e siman aki, si tin cierto solucionnan di acuerdo cu fondonan cu kizas por wordo ubica dentro di e presupuestonan.
“Y ohala cu nos por ta asina leu, cu den e lunanan nos dilanti, prome cu fin di aña lo por anuncia algun solucion concreto, pa locual ta trata tambe cierto infrastructuranan pa enseñanza.
