Hulanda ta boga pa mas cooperacion entre Aruba y Union Europeo

ORANJESTAD (AAN): E siman aki, Secretario di Estado pa Relacionnan di Reino Eric van der Burg tabata presente den Bestuurskantoor pa un reunion cu conseho di minister. 

E secretario di estado tabata presente durante e apertura di e Directie Koninkrijksrelaties en Europese Unie como tambe e di 21 edicion di e OCT-EU Forum, el a subraya e profesionalismo cu Gobierno di Aruba a ehecuta organizacion di un evento asina importante p’e paisnan y teritorionan ultramar.

   Secretario di Estado Van der Burg ta para keto un rato cu Pais Aruba a logra un meta cu hopi pais n’e continente Europeo mes no ta logra sinmas; esta di reduci debe nacional bou un 50%. E ta mira e necesidad pa Reino Hulandes actua como un solo entidad ora trata di Europa, pa asina por mustra cu forsa ta uni nos tur.

   No ta trata solamente di e cuatro paisnan, pero tambe di e tres entidad publico: Bonaire, Saba y St. Eustatius. Si nos mira bon, nos por logra cu Union Europeo pa sigui inverti di forma mas fuerte y directo den e paisnan autonomo dentro di Reino Hulandes pues Aruba, Corsou y St. Maarten.

   E posibilidnan den Union Europeo ta enorme, entre otro por aplica riba diferente area como maneho di desperdicio, un prioridad importante pa Gobierno di Aruba. Un proposito nobo p’e refineria, y e desaroyo di infrastructura critico manera kabel submarino pa conecta e islanan ABC riba un red di fibra optico ultramoderno, cu ta un desaroyo sumamente importante pa conectividad digital y posibilidad economico.

   “Tin hopi motibo pa mira con nos por organiza logistica y fortalece esaki.” Van Der Burg a señala. E secretario di estado durante OCT-EU Forum a remarca cu mester reconoce cu un pais cu 18 miyon habitante (Hulanda) por mas cu un pais cu 150 mil habitante of 100 mil (Corsou y Aruba), y hopi mas ainda cu un isla manera Saba cu 2 mil habitante. “P’e motibo ey mes ta bon pa nos ban wak unda e forsa di cada un ta y con nos por fortalece otro, pero tambe unda un otro por tin un debilidad sea Hulanda, Aruba of un di e otro islanan den Reino Hulandes y con nos por contribui na yuda otro” Van der Burg a comparti den un entrevista na final di e reunion cu Conseho di Ministro.

   Secretario di Estado Eric van der Burg a lo sigui su recorido den parti Caribense di Reino Hulandes; e lo sigui pa un bishita na Corsou y Bonaire. Den luna di mei, Prome Minister Mike Eman lo ta na Den Haag pa diferente reunion cu Gobierno Hulandes.