ORANJESTAD (AAN): Recientemente un ceremonia cortico a ser teni na Wit Gele Kruis.
Esey ta pasobra nan tabatin un hubilario entre nan mes, y e tin di wordo honra.
Durante e ceremonia aki, a honra nan enfermera, esta Janine Godoy-Hooft, kende a cumpli 10 aña den servicio na Wijkzorg como enfermera.
A ser splica na DIARIO cu Zuster Janine ta un persona hopi alegre y semper cu sonrisa riba su cara, y cu hopi pasenshi y amor pa su patientnan na su trabao den afdeling di Wijkzorg.
Masha pabien di parti Directiva y staf di WGK. Aki por mira momento cu ta haci entrega di e acostumbrado envelop.
