Hopi ambiente durante Jump-Up organiza den Cadushi Largo y Angochi

ORANJESTAD (AAN): Diabierna atardi tabata reina ambiente sin fin den barionan di Cadushi Largo bay te na Angochi,

na momento cu e alumnonan di diferente scol a bay dal un jump y celebra nan Carnaval.

   DIARIO a nota alumnonan di Colegio Laura Wernet-Paskel, como tambe Cacique Macuarima School, Basisschool De Schakel, y Sint Jan Kleuterschool cu a subi caya y bao animacion musical a goza di e Parada aki.  Tabatin hopi docente y tambe mayor cu a acompaña e gruponan riba caya pa asina sigura cu tur cos a bay bon.

   Banda di caminda tabatin varios persona cu a bay mira y apoya e muchanan tambe.  Sigur tur di nan a yuda pa e muchanan a pone sonrisa aun mas grandi riba nan cara, y a balia yen di smaak.  Algo hopi leuk y sigur tabatin hopi sacamento di potret y selfie.