PUNTO FIJO: Diadomingo anochi trempan, Polisnan na peninsula di Paraguana a logra di gara un homber cu a caba di kima cuatro boto tipo peñero.
E homber ta conoci den e area como “Chicho pestañina”, y awor e ta encarcela pasobra el a destrui cuatro boto, na e beach di Aurora na Los Taques.
Polis a haya sa, cu algun dia prome e homber aki a discuti cu e propietario di e botonan aki, y el a menaza di lo kima nan tambe. Y esey el a haci tambe den fin di siman.
‘Chicho pestañina’ su nomber di berdad ta Lorindo, y tin 34 aña di edad. Den pasado el a yega di comete varios acto castigable, e.o. cana cu droga, violencia domestico, y bende droga tambe.
