Hoben na Venezuela a traha e scultura mas grandi di mundo dedica na Dr. José Gregorio Hernández

CARACAS: E hoben venezolano Josué Benjamin, di apenas 15 aña di edad,

a sorprende e pais ora cu riba Diasabra el a presenta un scultura monumental na honor di Dr. José Gregorio Hernández, kende a bira e prome santo di Venezuela.

   E obra cu el a cuminza traha riba dje apenas dos luna pasa, a worde devela oficialmente dilanti publico cu a aplaudi su talento y dedicacion.  El a wordo devela na e Santuario di Isnotú.

   “Esaki ta esun mas grandi di mundo,” Josué hopi emociona a bisa ora di referi na su creacion.  E teenager aki a traha varios scultura caba, y esun aki ta produciendo hopi reaccion.

   “Mi ta spera boso por conoce e monumento aki cu mi a haci cu hopi cariño pa mi pais... y pesey awe nos a devela e scultura di mas grandi na mundo di José Gregorio Hernández,” el a añadi.

   E creacion di Josué Benjamin un rato despues a plama riba Social Media, produciendo un ola di elogio p’e.  Varios hende a keda impresiona cu su habilidad artistico, y su pasion pa rindi homenahe na un figura asina stima pa e Venezolanonan.