Guardacostanan nobo a ricibi nan diploma

ORANJESTAD (AAN): Diabierna cu a pasa, e prome 10 oficialnan di Guardacosta di e opleiding basico di Kustwacht (BOK), a finaliza nan estudio, y a ricibi nan diploma.

   E guardacostanan hoben di Aruba, Curacao y St. Maarten a cuminza dia 1 di Januari 2020 cu nan estudio di un aña largo, pero debi na e pandemia di Covid-19, esaki a rek y bira 1 aña y mey.

   Durante e aña di BOK aki, e aspirantnan a siña hopi habilidad y a pasa door di diferente conocemento teoretico.  Aki a haya sa mas di seguridad riba lama, First Aid, habilidad di arma y tiramento, tecnica di aborda otro boto, leynan maritimo, y entrenamento fisico.

   Disciplina y integridad tabata temanan importante durante e educacion aki.  Aki ademas di e lesnan, nan a sigui haya formacion pa bira Buitengewoon Agent van Politie (BAVPOL) na scol di Opleidingsinstituut Rechtshandhaving en Veiligheid Curacao (ORV).

   E resultado ta cu awor tin algun oficial nobo di Guardacosta cu ta cla pa tur reto pa cu patruyahe maritimo ta trece cune.