ORANJESTAD (AAN): Algun hende na Savaneta tabata atento pa loke ta pasando riba lama net eybanda. Diripiente riba Diasabra nan a nota cu tin 3 mucha riba lama, cu problema di boto.
Tabata banda di 3:00 pm, cu e Punto di Sosten di Guardacosta di Caribe Hulandes na Aruba a ricibi e yamada. E informacion ta mustra cu hendenan ta mirando 3 mucha riba laman cu tin problema cu nan boto.
Guardacosta a haya informacion adicional, cu e momento ey e tres personanan tabata riba lama na altura di Zeerover anto tabatin dificultad pa rema bin paden.
Mes ora un boto tipo Metal Shark di Guardacosta a sali pa duna asistencia na e hobennan. A bin resulta cu ta un boto di rubber, y cu e biento fuerte combina cu coriente consistente di lama, tabata haci dificil pa nan bin panort y yega tera bek.
Esnan di Guardacosta a saca nan for di laman y trece nan sano y salvo back tera.
