Preparando pa desfile nacional riba dia 18 Maart venidero
ORANJESTAD (AAN): Comision Celebracion Dianan Nacional (CCDN) ta informa cu e aña aki un biaha mas lo organisa e desfile nacional di gruponan uniforma riba Dia di Himno y Bandera dilanti Plaza Libertador Gilberto F. ‘Betico’ Croes despues di e acto protocolar dia 18 di maart mainta.
Aki ta sigui un resumen di e puntonan mas importante pa tur gruponan comunitario cu ta desea di participa:
E desfile Nacional Himno y Bandera 2025 lo ta dia 18 di Maart 2025, y lo ta dilanti Plaza Libertador Betico Croes na Playa, y participantenan permiti ta gruponan uniforma cu tin un meta comunitario, manera Scouting, Gruponan gubernamental uniforma, Gruponan di deporte uniforma, Gruponan di baile den trahe folklorico.
Meta di e Desfile ta pa duna reconocimento na e gruponan uniforma cu ta contribuí na e bienestar y desaroyo di e hobennan y comunidad den general.
Formulario di Inscripcion por ricibi via e-mail: عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. y corda cu e ultimo fecha pa inscripcion: Dialuna 10 di maart 2024. Pa contacto adicional: Por tuma contacto via WhatsApp na +297 562-9129.
Reglanan Importante: No ta permiti bestia of vehiculo di motor den e desfile. Pa e planificacion: E comision ta pidi pa haci e inscripcionnan na tempo pa por organisa e logística corectamente.
Importancia di e Evento: E desfile ta un manera pa celebra y honra e contribucion di e gruponan uniforma na e comunidad, y tambe pa enfatisa e balor di e Himno y Bandera di Aruba. E ta un evento cu ta uni e comunidad y ta mustra e orguyo nacional. Un suplica na tur organisacion, no tarda pa registra.
