ORANJESTAD (AAN): Ora cu e Lotto 5 su jackpot a cuminsa bira grandi, e trahadornan aki a dicidi na cera cabes hunto den oficina, y asina ta manda cumpra varios ticket pa check si hunto nan por gana e premio gordo.
E grupo di colega aki ta pone placa hunto y ta cumpra diferente numbernan loco di Lotto 5, y nan tin hopi tempo caba ta haciendo esaki. Y e biaha aki nan a nota cu un di e ticketnan tin 4 number bon, plus e joker.
Pesey nan tur a acudi Dialuna na oficina di Lotto na Playa, pa asina tende hunto ora cu e Computer di Lotto ta haci e sonido, pa confirma cu nan a gana! E computer a confirma cu e grupo a gana 18.831 Florin cu tabata e 2ndo premio.
Como cu tin di pone por lo menos un nomber riba e ticket, esaki a bay na honor di Anthony. Asina a transferi e premio electronicamente pa su cuenta di banco, y asina lo reparti e premio entre nan mes.
E ticket ganador mes a wordo cumpra na Rogith’s Lottery.
