Grupo di alumno na Colegio EPI contento di a finaliza modulo ‘Organisator’

ORANJESTAD (AAN): Algun siman atras, studiantenan di Verzorgende IG di Aña No. 3 a finalisa nan modulo cu ta yama ‘Organisator’.

   Como klas nan a scohe pa bini cu un actividad specialmente pa hoben y den e caso aki a focus riba studiantenan di Aña No. 1 cu ta den e opleiding Verzorgende.

   A ser escohi topiconan cu ta hungando un rol awo den comunidad p.e. embarazo hubenil, malesa transmeti sexualmente, depresion, ansiedad, abuso di droga y transgender. A wordo invita profesional for di veld pa asina bin presencia e presentacion.

   Na final di e evento a cera esaki cu un celebracion caminda tabata tin un kahoot quiz, gradicimento y tambe un comemento chikito pa tur cu a forma parti di esaki. Nan docente sra Janine Quandt y nan mentor sra Kyla Maduro y demas maestro tabata hopi orguyosa di nan logro! Masha pabien! Exito cu e ultimo lunanan prome cu gradua.