ORANJESTAD (AAN): E dianan aki, DIARIO ta enfoca riba tur e empleadonan local den mundo di turismo, cu a sobresali durante 2023
y cu recien a ricibi un tan codicia ‘AHATA Excellence Award’ durante un anochi di gala.
Uno di esnan cu a gana premio ta Gomara Lugo. Gomara ta un Senior Supervisor di Food and Beverage na Divi Village Golf & Beach Resorts Aruba.
El a wordo honra cu e premio di AHATA Excellence pa su profesionalismo y actitud semper positivo desde e prome dia cu el a cuminsa traha.
Nan ta gradici’e pa su pasion inmenso y contribucion valioso pa cu e industria di hospitalidad.
