Minister Rocco Tjon: Caso ta andando den Corte
ORANJESTAD (AAN): Tin un caso den Corte cu Stichting voor Verstandelijk Gehandicapten Aruba (SVGA) a entama contra gobierno y e motibo di esaki ta cu e fundacion ta parti for di e punto di bista cu Minister Rocco Tjon a kita placa for di nan presupuesto.
Minister Tjon a duna di conoce cu gobierno no a corta SVGA den nan presupuesto. Nan a entrega un peticion cu no por a wordo honra. Pa loke ta e cortamento di clientenan, esey ta responsabilidad di e fundacion mes y scogencianan cu nan a haci.
Segun e minister, e no kier a duna mucho detaye mirando cu tin un caso den corte. Aña pasa caba el a haya algun pregunta di algun parlamentario riba e topico aki. El a pone tur conseho disponibel, cu a wordo duna door di Directie Financien, Directie Wetgeving.
El a indica cu e no por a duna contesta na cierto preguntanan mirando cu tin un caso den corte.
