CALI: E cantante Gilberto Santa Rosa a anuncia den fin di siman, cu el a test positivo pa Covid-19 despues di su presentacion na e Feria di Cali,
na cual ciudad e tabata algun dia y a participa cu algun otro artista presentando salsa.
E asina yama “Caballero de la Salsa” pa e motibo ey tabata haci test di PCR tur dia pa check pa Covid-19, y uno di nan a sali positivo. Esaki a wordo confirma pa di segundo test.
Gilberto Santa Rosa di 59 aña di edad, y kende a gana varios premio Grammy y Grammy Latinos, tabata un di e artistanan programa pa e fiesta di fin di aña na e Distrito de Convenciones na Puerto Rico, esta “Dick Clark’s New Year’s Rockin’ Eve with Ryan Seacrest 2022.”
E evento aki na cual pa prome biaha Puerto Rico a participa cu actuacionnan di Daddy Yankee y El Gran Combo, entre otro, a wordo celebra sin publico debi cu e cantidad di Covid-19 ta subiendo drasticamente na Puerto Rico.
Un otro grupo cu tabata presente ta Limi-T 21, cu no por a presenta cu un di nan cantantenan, Javier Bermudez, pasobra e tambe a test positivo pa Covid-19.
