ORANJESTAD (AAN): Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante awe Diaranson 9 augustus 2023.
Manera ta conoci, prijs di combustible ta wordo ahusta cada 2ndo Diaranson di luna.
E biaha aki, Gasoline unleaded-premium ta subi cu 12,4 cen, pa wordo bendi awor na 268,8 cen pa liter.
Diesel Low Sulphur ta subi cu 13,1 cen, pa wordo bendi awor na 225,6 cen pa liter.
Kerosin ta subi cu 13,3 cen, pa wordo bendi awor na 205,3 cen pa liter. Corda cu e prijsnan ta inclui BBO/BAZV/BAVP.
Prijs di combustible a lo largo di paisnan grandi den Caribe, a subi ultimo temponan desde mitar di luna di Juli caba. Hopi ta basa nan mes riba e costo di refinamento di combustible, y tambe ahustenan pa cu cambionan riba mercado mundial. Tambe e hecho cu prijs a subi, debi na problemanan cu refinerianan na e.o. Merca, unda debi na calor excesivo cu e plantanan a confronta problema den nan produccion. Esaki a impacta henter e region pa cu prijsnan.
E biaha aki por a nota subida di tur e gradonan di combustible.
