Fundacion Rancho a celebra Dia di Betico cu caminata den bario

ORANJESTAD (AAN):   Clifford Rosa, Presidente di Fundacion Rancho a laga cu pa celebra Dia di Betico

nan a hacie c'un caminata den e bario di Rancho, pero tambe cu cuminda crioyo. Banda di esaki tabata tin museonan habri pa bishita.

            Oranjestad tabata di fiesta tambe ya cu ta celebrando 200 aña di Oranjestad.

            El a bisa cu e fundacion tambe ta colaborando cu e proceso di conserva herencia door di traspasa e informacion pa e generacionnan binidero.

            Tin diferente proyecto cu ainda no por a wordo concretisa pasobra e fondonan no ta yega. Como fundacion, nan ta keda pidi pa fondo ya cu sin fondo no por haci mucho cos, a enfatisa.

            Pa loke ta e celebracion di 200 aña di Oranjestad, investigacionnan y tur locual mester sosode mester di fondo pa haci nan, a agrega.

            Premirando cu pronto ta bay tin e celebracion di 18 di Maart el a indica cu e dia aki lo tin competencia di botonan miniatura. Ta boga pa tin mas boto cu ta bay wordo traha cu ta boto crioyo, cu e meta di conserva e tradicion aki tambe, Rosa a finalisa bisando