Fundacion “Mi voz ta Bo voz” ta pidi pueblo pa henter luna di April bisti na blauw pa simbolicamente concientiza y preveni

Julissa Bislip, boluntario:

ORANJESTAD (AAN) – Julissa Bislip, boluntario na e Fundacion “Mi voz ta Bo voz”, cual ta traha contra abuso sexual di mucha, den entrevista cu DIARIO a elabora riba nan peticion na comunidad pa bisti na blauw diabierna 12 di April, como un acto simbolico den nan campaña di concientizacion y prevencion, pero e fundacion kier pa no ta e dia aki so, sino henter e luna tur ciudadano bisti na blauw.

            Actualmente nan tin diferente material na benta pa lanta fondo pa e fundacion sigui haci su trabao pro nos muchanan, contra abuso sexual di mucha. Nan tin flanel, pechi, armband, entre otro articulonan na bon prijs, y cu ta hiba e mensahe pa pueblo cu “Mi voz ta bo voz”.

            Julissa a subraya cu abuso di mucha ta un problema cu ta rekeri di tur hende participa, pa por resolve, pasobra preveni ta miho cu lamenta.