ORANJESTAD (AAN): El a cumpra su numbernan pa e sorteo di Big 4 cu ta hunga dos biaha pa dia durante sorteo di Lotto.
Mas cu claro, Francisco a bira hopi contento pa mira cu su number a sali tambe.
Pesey riba Diabierna, Francisco a acudi na oficina di Lotto na Playa pa reclama su premio. Aki mesora e trahadornan di Lotto a revisa su ticket pa wak si el a pone su firma parti patras, y mesora a scan e barcode den computer. E computer a confirma cu Francisco a gana e suma di 10.000 Florin cu e wega di Big 4 di Merdia.
Mesora a cuminza cu e proceso pa transferi e premio electronicamente pa su cuenta di banco. Francisco a indica cu e ticket ganador mes el a cumpra na Lucky Moko.
