Fotografo ta acusa Miss Venezuela di usa su potret pa Trahe Nacional di Mariangel Villasmil

ORANJESTAD (AAN): Algo cu DIARIO a tuma nota di dje, ta cu un badabada a start despues cu Diaranson siman pasa, tabatin e anochi di Trahe Nacional pa Miss Universe na Seminole Hard Rock Hotel & Casino Hollywood na Florida.

   E fotografo Jonas Piontek, kende ta specialista di potretnan di lamper y maltempo, a divulga den fin di siman cu Miss Venezuela a usa parti di su material sin su permiso pa presenta su Trahe Nacional na e certamen di Miss Universe cu ta tumando lugar na Hollywood, Florida.

   E fotografo internacional di paisahe, a lanza acusacion riba su Instagram stories, cu e Organizacion di Miss Venezuela no a respeta e derechonan di autor door di usa un di su potretnan den e trahamento di un poster pa e Trahe Nacional di e actual Miss Venezuela, Mariangel Villasmil.

   E artista grafico a mustra cu e ta disgusta, exigiendo cu pa otro biaha, e organizacion mester notifike cu nan ta bay usa un imagen cu ta pertenece na dje.  El a bisa tambe cu e potret ta wordo distribui via e compania Mauritius Images, y e ta sigur cu nan tampoco como dealer di imagen grafico lo no ta contento cu a ‘horta’ potret di dje.