Fin di siman hopi druk pa evento y rides di Camacuri Harley Davidson Club

Varios bikes yegando di Curaçao y Bonaire

ORANJESTAD (AAN): Durante un recien conferencia di prensa convoca door di Camacuri Harley Davidson Club na Hooters Family Restaurant na Palm Beach, nan a informa Aruba di e preparacion grandi di loke ta bay bira nan proximo actividad, cu tin di haber cu nan celebracion di 26 aniversario y cual lo bay tumando lugar conhuntamente cu e celebracion di dia di Himno y Bnadera di Aruba.

   Pa e occasion aki President di CHDC den persona di Buchi Croes, a splica cu for di hermana isla di Curaçao tin 2 container yena cu Motorcycle rumbo pa Aruba y for di herman Isla di Bonaire tin 2 container tambe yegando aki.

   Di Suriname tambe tin algun coredor cu ta bin, pero nan a viaha sin motorcycle, y na Aruba lo bay huur esaki pa nan core cune.

   Actividad a cuminsa Diaranzon caba cu Unloading di e Bike nan.  Awe Diahuebs 16 Maart un anochi di inscripcion na Parke Arawa.

   Diabierna 17 di Maart lo tin e ‘Thirsty Night Ride’ cu ta topa otro na Hooters y sali bay pa One Bar.

   Diasabra 18 Maart cu ta dia di Aruba su Himno y Bandera, nan lo tin e “Criollo Evening Ride”.  Nan ta topa na Komendo Tapas & Cocktail y caminda cu e ride lo termina na Palo Marga, caminda tur esnan cu kier haci kunstjes, tin e oportunidad pa haci esaki, ya cu no ta permiti pa haci cosnan di locura ariba cayanan di Aruba, pero si na Palo Marga.

   Diadomingo 19 Maart cu ta e dia di e Ride grandi mes, lo start na Parke Arawa y lo sigui cu coremento rond cu diferente stop y weganan pa tur participantenan y na final lo yega na Parke Arawa, caminda lo bay tin entrega di e respectivo reconocimentonan.