Festival Cantica di Caya den Centro di Bario Brasil tabata un exito rotundo

ORANJESTAD (AAN) Manera ta conoci y hopi bon comenta, den fin di siman a tuma lugar e famoso festival Cantica di Caya 2024, cu participacion di categoria adulto, y categoria infantil-hubenil.

  Esaki ta un festival organiza pa Fundacion Chico Harms bao lema “Biba nos cultura” y ta tuma lugar den Centro  di Bario Brasil.

   Ta berdad cu cultura nos mester bib’e! Hopi aplauso e hobencita Jorienne Angela a ricibi, como ganador absoluto y como miho trahe cultural. Tambe Tyson Croes cu su premio di “mas popular” loke kiermen cu nan a sa di conkista un publico grandi.

  Hopi esfuerzo e musiconan haci pa training e participantenan y ata un tremendo resultado. Un publico hopi entusiasma tabata presente.