Felicitando Ludwina trahando su prome lustro na Do It Center

ORANJESTAD (AAN): Un ceremonia special a ser teni recien na Super Do It Center na Shaba, pa observa e hecho cu 5 aña pasa,

e simpatica Ludwina Danje a drenta den servicio cu e compania.

   Gerencia a manda un plaquette special, hunto cu e acostumbrado envelop pa Ludwina.  Nan ta contento cu e cooperacion valioso di Ludwina pa yuda e compania sigui dilanti, y sigur ta spera di por conta cune den servicio pa hopi aña mas.  Nan ta completamente satisfecho cu e lealtad y bon colaboracion constante den nan empresa di parti di Ludwina.

   Por mira Ludwina durante e ceremonia special, y tambe potret di dje hunto cu coleganan.