Departamento di Impuesto:
ORANJESTAD (AAN): Departamento di Impuesto ta participa na tur doño di vehiculo di motor cu dia 1 di juli proximo ta e ultimo dia pa paga e impuesto di vehiculo di motor di e di dos mita di aña 2024. Esaki ta conta pa esnan cu a paga e impuesto di e prome mita di aña.
Incumplimento Entrante 2 di juli 2024 tur automobilista y motociclista cu no a cumpli cu e pago rekeri lo ricibi un cobransa adicional (naheffingsaanslag). E suma di boet ta 50% di e suma di impuesto.
Haci pago
Por haci pago online via banco of na tur oficina di Departamento di Impuesto, pues tanto na oficina principal na Camacuri, un MFA of oficina di Post Aruba na San Nicolas.
Pa e contribuyentenan cu ta paga via banco, mester mester inclui e siguiente informacion: persoonsnummer - aña - number di auto, por ehempel: 20004536 - 2024 - A91000
Despues di paga via banco, mester pidi e recibo online via: https://www.impuesto.aw/kwitantie-motorrijtuigbelasting Departamento di Impuesto ta recomenda pa cumpli cu e pago na tempo pa asina evita gasto extra innecesariamente
