ORANJESTAD (AAN): Un panel asesor federal externo di FDA a rechaza rotundamente un plan pa ofrece e di tres dosis di vacuna Pfizer contra COVID-19 na mayoria di mericano mayor di 16 aña,
pero a aproba algun minut despues, aplicacion di e vacuna na personanan mayor di 65 aña y cu malesanan preexistente.
Varios experto cu a vota contra a expresa nan preocupacion pa riesgo di miocarditis cu un di tres dosis pa hombernan mas jong, pero a bisa cu nan tabata dispuesto pa studia esaki den gruponan limita, manera pa e grandinan y esnan mas vulnerable.
E votacion di diabierna, 61-3, tabata un golpi contra esfuerzo di Gobierno di Biden pa reforza proteccion di personanan contra virus den medio di variante Delta, cu ta hopi mas contagioso.
Pero expertonan a vota 18-0 na fabor di e di tres dosis na mayornan di 65 y cu factornan di riesgo cu por causa un COVID grave.
Durante varios ora di discusion, miembronan di panel di experto independiente (no ta traha pa FDA), a expresa nan frustracion pasobra Pfizer no a proporciona suficiente datonan riba seguridad di dosis adicional.
Y nan tambe a keha cu datonan proporciona pa investigadornan israeli relaciona cu nan campaña di e 'booster shot' no ta adecuado pa predeci experiencia di Merca.
Gobierno di presidente Joe Biden a anuncia na augustus nan campaña pa cuminsa duna un di tres dosis desde 20 di september pa tur mericano cu a ricibi un di dos dosis ocho luna prome.
E decision tabata un sorpresa pa varios experto di FDA mes, cu a publica un comunicado distanciando nan mes di e decision prome cu e reunion di su comite di expertonan independiente di diabierna.
“En general, datonan a indica cu vacunanan contra covid autoriza na Merca ainda ta ofrece proteccon contra formanan severo di covid-19 y morto”, FDA a indica.
Expertonan di e comite (investigador, epidemiologo, specialistanan den malesanan infeccioso) mester dicidi si nan ta kere cu tin suficiente evidencia riba efectividad y seguridad di un booster shot. E recomendacionnan di e comite no ta vinculante, pero usualmente implementa.
-No “den etapa aki”
Sin embargo, cualkier señal di desconfianza cu nan por a expresa den nan conclusionnan, lo sona manera un critica contra Gobierno di Biden, cu a anuncia cu bolbe vacuna tur mericano, hasta prome cu nan consulta agencianan concerni.
Dos alto funcionario di FDA ya a firma den un carta publica den The Lancet contra un di tres dosis “den e etapa di pandemia”.
Pfizer a menciona datonan cu ta mustra cu e booster shot a aumenta nivel di anticurpa contra variante Delta, como tambe estudionan realiza na Israel, cu a realiza un campaña di vacunacion pa di tres shot.
FDA a sostene, no obstante, cu no tur estudio ta necesariamente confiable y cu investigacionnan realiza na Merca mes “probablemente lo duna un mihor bista riba efectividad di un di tres dosis di e vacuna pa poblacion mericano”.
