ORANJESTAD (AAN): Diadomingo atardi, por a tuma nota cu e famoso cantante mexicano Thalia a haci un publicacion riba Instagram
unda e ta promociona su video nobo di e cantica cu yama 'Eres mio'. E video aki a keda lansa internacionalmente diadomingo como un primicia riba e cuenta di TikTok di Thalia.
E sorpresa ta cu e personahe masculino di su video ta e famoso TikToker arubiano Gilmher Croes.
Gilmher Croes ta hopi conoci na Aruba y internacionalmente pa su aparicionnan creativo y tambe comico riba e red social di TikTok. E tin mas di 33,4 M followers.
Sigur esaki ta algo bon pa Aruba. Mescos cu Jeon y otro yiunan di tera cu nan nomber a resona internacionalmente, mester probecha e oportunidadnan aki pa promove Aruba den exterior!.
