ORANJESTAD (AAN): Famianan di e hoben Samuel Jamil Tromp ta sumamente orguyoso di e logro di e hoben aki.
Cu apenas 17 aña di edad, el a bira e mihor graduado di VWO di Colegio Arubano e aña aki.
Tambe e tabatin un di e mihor puntonan pa les di Frances e aña aki, y pa esey tambe el a ricibi un plaquette recien.
Dialuna el a viaha cu KLM rumbo pa Hulanda, pa asina sigui su estudio awor na Delft Universiteit. Aki por mira momento cu el a yega Hulanda y ta combersando cu Ministro Plenipotenciario Ady Thijsen, y Joselin Croes kende ta directora di Gabinet di Aruba.
Su famia na Aruba, specialmente su mayornan Jamil y Vanessa Tromp-Guzman, ta desea Samuel hopi exito na Hulanda.
