Exitoso campeonato di futbol pa alumnonan di Maria College MAVO

ORANJESTAD (AAN): Siman pasa den oranan di atardi a tuma lugar riba tereno di scol mes, e asina yama Campeonato di Futbol di Maria College Mavo. 

Esaki tabata pa mucha hombernan di categoria Ciclo Basico y Ciclo Avansa.

   Ganadornan categoria Ciclo Basico a bira: Alexander Franken, Cristian Feliz, C-Jeey Vrolijk, Deiver Solis, Nayson Pozo.

   Ganadornan categoria Ciclo Avansa a bira: Jean Orne, Steven Almonte, Jaime Torres, Garens Michel, Kevin Antoine.

   Directiva di Maria College kier a gradici tur alumno cu a participa na e evento escolar y tambe tur cu a bin apoya. Tambe nos kier a manda palabra di gradicimento na mr. Edward pa cu e organizacion di e evento y mr. Arendsz cu mr. Lopez pa para referee.

   Y sin laga afo e patrocinadornan Tropical Bottling Company, Arubaanse Voetbal Bond, y un patrocinador anonimo.  E tabata di berdad un atardi hopi activo y alegre.