ORANJESTAD (AAN): Educampus Aruba tin e grato placer di invita comunidad henter bin mira e resultado final di nos muchanan den area di arte plastico.
Durante henter un aña, bou guia di artista Natusha Croes e muchanan a ser instrui pa crea diferente pintura, dibuho, instalacion cu ta expresa nan mundo imaginativo, desaroyando nan facultadnan creativo y innovativo.
Pa un dia so pueblo henter lo por disfruta di diferente obra di arte cu lo ta na benta pa asina recauda fondo pa por sigui desaroya e Facultad di Arte den crecimento.
E schedule lo ta asina: 11AM - 2PM lo tin un tour guia door di e muchanan, 4 pm - 7pm lo tin musica, un photobooth divertido pa un y tur por conmemora y saca potret cu e obranan crea, como tambe bebida y snacks.
Bin apoya y disfruta di un atardi ameno na galleria di Cas Di Cultura. Entrada ta completamente gratuito Diaranzon 1 di Juni proximo.
