Shennelyn Croes di Fundacion Respetami
ORANJESTAD (AAN): Shennelyn Croes, Trahado Social Preventivo na Fundacion Respeta Mi a cuminsa duna charla hunto cu profesionalnan den veld tocante e tema di abuso fisico y kico ta e alternativanan.
A conta cu cooperacion di Centro pa Hoben y Famia y tambe Bureau Sostenemi. Nan mes a duna charla riba kico ta abuso y con pa reconoce e señalnan, unda tin cu busca ayudo y kico por haci pa preveni abuso fisico, cu ta pasa hopi den comunidad, a bisa.
Abuso fisico ta tur loke por causa daño na un mucha por ehempel kinipi, morde, scop, dal te na choca. Tambe tin e parti di negligencia fisico unda cu nan no ta haya e cuminda suficiente of un cuminda saludabel.
Loke a bin ta compronde di estudionan haci na Aruba ta abuso fisico ta prevalente na Aruba. Na Aruba tin e custumber pa dal mucha ora e mucha haci algo fout enbes di coregi, siña y prepara e mucha prome pa comporta di e manera desea, Croes a splica.
Hopi biaha, hendenan cu a pasa den abuso fisico awor cu nan a bira grandi nan ta bin realisa cu nan pasa den abuso fisico. El a cuestiona si haya sota lo yuda un hende ta bon para ora nan bira adulto. Pesey ta mira cu hopi hende tin problemanan mental awendia y tin hopi cos mas cu awendia ta causando problema, a remarca.
