ORANJESTAD (AAN): Pashentnan ta mustra di ta satisfecho cu e trato ricibi di Dr. Singh-Tewarie.
Pa cortesia di Asociacion di Docternan di Cas, aki a logra haya potret di e team dinamico di e consultorio aki cu ta situa na Jan Flemming 5-K.
Consultorio aki tin un lema, cu ta: “Trata bo pashent, manera cu bo mes kier wordo trata”.
E lema aki di e Consultorio ta uno cu no mester mas splicacion. Tur hende sa exactamente loke e Docter kiermeen aki.
Riba e potret aki por mira d.r.p.d. M. van der Biezen (asistent), tambe F. van der Biezen (POH), tambe Dr. A. Singh-Tewarie (Docter di Cas), y E. Kelly (asistent).
